6 أسباب تخليك تستثمر فلوسك فى العقارات

14 آب/أغسطس 2016
6 أسباب تخليك تستثمر فلوسك فى العقارات

الإستثمار فى إقامة المشاريع مش اى حد يقدر عليه لانه محتاج مغامرة و مخاطرة بكل الفلوس اللى معاك علشان تقدر تعمل المشروع. ناس كتير بتخاف ان المشروع ممكن يتعرض لخسائر او يحتاج وقت طويل لغايت ما يكسب او ممكن ميقدرش يسد التكلفة المالية بتاعته فى الوقت المطلوب زائد ان في ظروف كتيرة ممكن يتعرضلها المشروع تمنعه لا قدر الله من النجاح لكن

لكن الإستثمار فى العقار إستثمار مضمون عن غيره من المشاريع للاسباب دى:
  1. العقارات مش محتاجة خبرة و لا ميزانية معينة لانك انت اللى بتحدد الميزانية على حسب المبلغ اللى معاك و تقدر تتعاقد على اى شقة فى المنطقة اللى عايزها بالمساحة المناسبة لميزانيتك. بس اكيد لازم تتعاقد مع شركات معروفة منعا لاى سرقة.
  2. عامة سعر المتر فى العقارات بيزيد مع مرور الوقت و فى اسوأ الظروف لو محصلش زيادة فمش هتخسر اللى دفعته لانها هتحتفظ بقيمتها.
  3. فيه فايدة قصيرة المدى و هى امكانية تاجيرالشقة للافراد او الشركات، فانت بالايجار هتضمن دخل شهرى ثابت لغايت ما تبيع الشقة لما يزيد سعرها.
  4. الإستثمار فى العقار ملوش تكلفة إضافية لانك لما تدفع تمن العقار او الشقة مش هتحتاج تعمل حساب تكلفة الايدى العاملة او بدل فاقد، و الشقة مبتشربش و لا بتاكل فكل اللى ممكن تدفعه بس هو تكاليف الصيانة فقط.
  5. الشقة دى ممكن تستفيد منها بعد كدا انها تكون لابنك او بنتك فى المستقبل دا لو مش عايز تتاجر بيها و فى نفس الوقت ممكن تاجرها لغايت لما يستخدموها فى المستقبل.
  6. السوق العقارى بيكبر فى مصر جدا و فيه عقارات كتير بتتبنى و مدن جديدة بتنشأ زى القاهرة الجديدة و الكوربة هايتس و الشروق و منطقة الياسمين دا غير مشروع العاصمة الجديدة.
  7. الإستثمار العقارى مفيد و مضمون ليك و لاولادك فى المستقبل و مفهوش مخاطرة لانك بتحتفظ بقيمة العقار و على مر السنين العقارات سعرها بيزيد و مبتخسرش.
  • مصر : 68 شارع مكرم عبيد, مدينة نصر, القاهرة
  • الكويت : الكويت العاصمة الشرق, شارع جابر المبارك, برج نوف, الدور السادس, امام مجمع بهبهاني
  • مصر : 22769648
  • الكويت : 90914646 | 22413116
  • عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

مشروعاتنا

اتصل بنا

  Mail is not sent.   Your email has been sent.