إزاى تختار شقة مناسبة لظروفك؟

26 أيار 2011

قرار شراء شقة تسكن فيها قرار مصيرى مهم بيستمر معاك لسنين طويلة لانك زى ما بيقولوا كدا بتحط تحويشة عمرك و كل اللى جمعته فى الشقة دى خاصة لو كنت فى بداية حياتك و حتى لو هتجيبها تقسيط فدا معناه انك هتلتزم بقسط لسنوات تسدد فيه و علشان تاخد القرار السليم و تختار الشقة المناسبة لظروفك لازم تاخد بالك من العوامل المؤثرة دى:

التكلفة المادية: إمكانياتك المادية عامل اساسى فى اختيار الشقة و على اساسة بيتحدد مساحة الشقة و المنطقة اللى هتسكن فيها و المستوى اللى هتعيش فيه فلازم تحدد امكانياتك المادية هتسمح بالدفع كاش او تقسيط و التقسيط هيبقى مدته اد ايه و قدرتك على توفيره

المساحة: المساحة بتتحدد على حسب حجم اسرتك يعنى محتاج غرفتين او ثلاثة او اكثر و خلى بالك ان الشقق لما تكبر مساحتها بيزيد تمنها و تكلفة التشطيب و توفير الاثاث بتزيد بالتوازى وبردو لازم تعمل حساب المستقبل و امكانية زيادة عدد افراد الاسرة فالشقة لازم تكون مناسبة لاسرتك

المنطقة: لازم تتاكد من توفير الخدمات و المرافق الاساسية فى المنطقة اللى هتسكن فيها زى وجود مستشفى قريبة، صيدلية، سوبر ماركت، مسجد، مدارس و مطاعم.و لازم تعرف ازاى تروح شغلك و المواصلات المتوفرة ليك و ازاى اولادك هيوصلوا مدارسهم و جامعاتهم

تقسيمة الشقة: تقسيمة الشقة و مدى الاستفادة منها لان للاسف فى شقق بتبقى متصممة بطريقة معقدة يصعب استغلالها و لا يساعدك تصميمها على إستغلال المساحة الموجودة او امكانية تغيير التصميم و الاستفادة من المساحة

العقار نفسه: مدى حداثة العقار و متانته، ابعد عن العقار القديم المتهالك ولو هتشترى من شركة لازم تكون لها سابقة اعمال قوية فى البناء

متتسرعش و خد وقتك فى التفكيرقبل الشراء و حاول تبعد عن السماسرة و اهتم بالتفاصيل و زور الشقة مرة و اتنين قبل اتخاذ قرار الشراء النهائى علشان تقدر تقيم مزايا و عيوب الشقة قبل شرائها.

  • مصر : 68 شارع مكرم عبيد, مدينة نصر, القاهرة
  • الكويت : الكويت العاصمة الشرق, شارع جابر المبارك, برج نوف, الدور السادس, امام مجمع بهبهاني
  • مصر : 22769648
  • الكويت : 90914646 | 22413116
  • عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

مشروعاتنا

اتصل بنا

  Mail is not sent.   Your email has been sent.